MESSENE seu MESSENA quibusdam

MESSENE seu MESSENA quibusdam

civitas Graeciae in Peloponneso, Messeniae caput; ad ostia Balyrae fluv. 13. mill. pass. a Pamiso fluv. in Meridiem. 13. a Corone in Boream, in orannus Messeniaci, cum portu tantisper capaci. Ante ipsam tres Insul. Oenusae sunt. Nunc oppidul. tenue est et nullius nominis, in provinc. Belvedere, sub Turcis. Populi Messenii, qui, ut Hieronym. habet contra Iovin. propter frequentem defectionem, a Spartanis in servitutem redacti, durius quam reliqui servi tractati sunt: Unde Proverbium, Messenâ servilior, in eos, qui alienô vivunt arbitriô. Duraverat autem hoc bellum ann. 20. a capta Amphia, usque ad destructam Ittomen, an 1. Olymp. 14. Pausan. in Messen. Strabo, Plin. etc. Ovid. Met. l. 6. Fab. 8.

Messeneque ferax, Patraeque humilesque Cleonae.

Hinc Messenius, Ovid. Met. l. 14. v. 17. Item Messeniacus sinus, qui et Messenius, Coronaeus, et Asinaeus Straboni. Vulgo Golfo de Coron, ab urbe adiacente, Sophian. Nautis nunc Golso de Calamata Baudrand.